اس نوجوان کے موذی وائرس سے متاثر ہونے پر کنٹونمنٹ علاقہ کے عہدیدار چوکس ہوگئے۔
یہ سافٹ ویر انجینئر گاندھی ہسپتال میں زیر علاج ہے۔
احتیاطی اقدام کے طور پر اس علاقہ کے اسکولس کو تعطیل دے دی گئی ہے۔
ساتھ ہی مہیندراہلز علاقہ میں بڑے پیمانہ پر صفائی کے اقدامات کئے جارہے ہیں۔
یہ سافٹ ویر انجینئر 19 فروری کو دبئی سے بنگلورو پہنچا تھا اور وہاں سے وہ 22 فروری کو مہیندراہلز آیا تھا۔
عہدیدار اس بات کا پتہ لگانے کی کوشش کر رہے ہیں کہ اس نے اپنے علاقہ میں کس کس سے ملاقات کی۔
اس کے پڑوسیوں نے میڈیا کو بتایا کہ 'اس نوجوان کے گھر پر کوئی بھی نہیں ہے۔ اس کے تمام ارکان خاندان گاندھی ہسپتال میں اس نوجوان کے ساتھ ہے۔'
اس کے خاندان کے بھی مختلف معائنے کئے جارہے ہیں۔
