کورونا کو ہرانے والے ملازمین کا تعلق ویسٹ زون سے ہے جن میں دو سب انسپکٹر، دو اسسٹنٹ سب انسپکٹر، چار ہیڈ کانسٹبل، 28 کانسٹبل اور پانچ ہوم گارڈ شامل ہیں۔
تمام ملازمین نے کورنٹائن کی مدت کے دوران رہنما ہدایات پر عمل کرتے ہوئے عوام کےلیے مثال قائم کی ہے۔
کمشنر پولیس انجنی کمار نے کورونا کو شکست دینے والے پولیس اہلکاروں کو مبارکباد دی اور نیک خواہشات کا اظہار کیا۔ انجنی کمار نے ملازمین کو تہنیت پیش کی اور اسناد سے نوازا۔
حیدرآباد کمشنر پولیس نے کہا کہ ’محکمہ کے ہیروز کا خیرمقدم کرتے ہوئے ہم کافی خوش ہیں۔ انہوں نے کہا کہ ملک کے دوسرے بڑے شہروں کے مقابلہ میں کوویڈ۔19 کے معاملات حیدرآباد میں کم ہیں۔
انجنی کمار نے کہا کہ ’لاک ڈاون کے دوران، مہاجر مزدوروں کے انخلا اور دیگر موقعوں پر پولیس نے کلیدی کردار ادا کیا ہے۔ رجوع بہ کار ہونے والے پولیس ملازمین کے خیرمقدم کےلیے ایک تقریب منعقد کی گئی جس میں اعلیٰ عہدیداروں نے شرکت کی۔
