کنٹریکٹ پر خدمات انجام دینے والی نرسس کو وٹیج کے مطابق 20 نشانات دینے کے ضمن میں ریاستی حکومت نے قبل ازیں اعلان کیاتھا۔ اس سلسلہ میں گذشتہ سال فہرست جاری کی گئی تھی۔ اس ماہ کے آخری ہفتہ تک تقرری کے عمل کو مکمل کرنے کے لئے تلنگانہ پبلک سروس کمیشن اقدامات کررہی ہے تاہم اب تک ویٹیج نشانات ان کو نہ دینے کا الزام لگاتے ہوئے نرسس نے احتجاج کیا اور اپنے مطالبات کی حمایت میں نعرے بازی بھی کی۔
اس موقع پر بعض نرسس اشکبار بھی ہوگئیں۔انہوں نے کہاکہ اہلیت ہونے کے باوجود ان کو وٹیج نشانات نہیں دیئے گئے۔انہوں نے افسوس کا اظہار کرتے ہوئے کہاکہ کئی نرسس 20سے زائد برسوں سے خدمات انجام دے رہی ہیں۔ ان میں آپریشنس میں مدد کرنا اور زچگیوں میں تعاون کرنا بھی شامل ہے تاہم ان کو ویٹیج نشانات نہ دیتے ہوئے ان کے ساتھ شدید ناانصافی کی گئی ہے۔کورونا جیسے وبا کے دور میں بھی انہوں نے خدمات انجام دی تھیں۔ پہلے ہی اس سلسلہ میں تلنگانہ پبلک سروس کمیشن سے بھی نمائندگی کی گئی ہے۔کئی مرتبہ نمائندگیوں کے باوجود ان کو وٹیج نشانات نہیں دیئے گئے۔