وزیراعظم نریندر مودی نے پیر کو آندھرا پردیش کے وزیراعلی وائی ایس جگن موہن ریڈی کو سالگرہ کی مبارکباد پیش کرتے ہوئے ان کے لیے درازی عمر کی دعا کی۔
مودی نے آج ٹویٹ کیا 'آندھرا پردیش کے وزیراعلی مسٹر وائی ایس جگن موہن ریڈی کو سالگرہ کی مبارک باد! میں ایشور سے ان کی اچھی صحت اور درازئی عمر کے لیے دعا گوہوں'۔
ریاست کے سابق وزیراعلی اور تلگو دیشم پارٹی کے صدر این چندربابو نائیڈو نے کہا 'سالگرہ مبارک ہو گارو! آپ کو طویل اور صحت مند زندگی نصیب ہو'۔
ٹی آر ایس پارٹی کے کارگزار صدر، وزیر بلدیہ و شہری ترقی، صنعت و تجارت اور انفارمیشن ٹکنالوجی کی ٹی راما راؤ نے ٹوئٹ کر کہا ہے کہ 'اے پی کے معزز وزیر اعلی شری جگن موہن ریڈی کو سالگرہ کی مبارکباد! انّا خدا آپ کو اچھی صحت، سکون اور عوامی خدمت کے لیے لمبی عمر عطا کرئے'۔
واضح رہے کہ ریڈی کانگریس کے سابق مرحوم وائی ایس آر ریڈی کے فرزند ہیں اور انہوں نے کانگریس کی قومی قیادت سے ہٹ کر 2011 میں ہی اپنی پارٹی 'وائی ایس آر کانگریس' تشکیل دی تھی ۔
انہوں نے 2019 کی اسمبلی انتخابات میں ریاست میں اپنی پارٹی کو برسر اقتدار بنایا۔
کانگریس کے مرحوم سابق وائی ایس آر ریڈی کے بیٹے جگن موہن نے ریاست میں 2019 کے اسمبلی انتخابات میں اپنی پارٹی کو بھاری اکثریت سے کامیابی دلائی۔
اسمبلی کی 175 نشستوں میں سے وائی ایس آر سی پی نے 151 میں کامیابی حاصل کی، جس نے اس وقت کی حکمران تلگو دیشم پارٹی (ٹی ڈی پی) کو 23 سیٹوں سے شکست دی۔
مزید پڑھیں:
رانا دگگوبتی کی سالگرہ پر فلم ’ویراٹ پرم‘ کی پہلی جھلک شیئر
ریڈی کو سیاست اور فلمی صنعت میں اپنے دوستوں کی طرف سے سالگرہ کی مبارکبادیں مل رہی ہیں۔ ان کی 48 ویں سالگرہ کی مبارکباد دیتے ہوئے وزیر اعظم نریندر مودی سمیت کئی رہنماوں نے نیک خواہشات کا اظہار کیا ہے۔
