تلنگانہ کی رامپا مندر جس کو حال ہی میں یونیسکو نے عالمی ثقافتی ورثے کا درجہ دیا تھا کی تاریخی وراثت کے تحفظ کے معاملہ کی تلنگانہ ہائیکورٹ نے سماعت کی۔
اخبارات میں شائع شدہ خبروں کی بنیاد پر از خود اس معاملہ کی سماعت کرتے ہوئے چیف جسٹس ہیما کوہلی اور جسٹس وجے سین ریڈی پر مشتمل بنچ نے ہدایت دی کہ اس مندر کے تحفظ کے لیے محکمہ آثار قدیمہ، ریاستی آرکیالوجی اور کلکٹرز پر مشتمل کمیٹی تشکیل دی جائے۔
یہ بھی پڑھیں:تلنگانہ: وزیراعلیٰ کے سی آر کا ناگرجنا ساگر دورہ
کمیٹی کو ہدایت دی گئی ہے کہ وہ 4 اگست کو پہلا اجلاس منعقد کرے۔ بنچ نے ساتھ ہی علاقائی سطح پر مشترکہ معائنہ کرنے اور اندرون چار ہفتے رپورٹ داخل کرنے کی کمیٹی کو ہدایت دی۔ بنچ نے کہا کہ رامپا مندر کو یہ درجہ ملنے پر تلنگانہ کو اس پر فخر ہونا چاہئے۔ اس کو بین الاقوامی سیاحتی مرکز کے طور پر فروغ دینے کی ضرورت ہے کیونکہ اس مندر کی تاریخ میں کافی اہمیت ہے۔ عدالت نے اس مندر کی ترقی کے کام بھی انجام دینے کی ہدایت دی۔
یو این آئی
