محکمہ موسمیات نے تلنگانہ کے بعض اضلاع اور حیدرآباد میں 6 جنوری بدھ کو ہلکی بارش کی پیش قیاسی کی ہے۔
ریاست کے بیشتر علاقوں میں آئندہ دو دنوں تک درجہ حرارت معمول کے مطابق رہے گا جبکہ بعض علاقوں میں ہلکی بارش ہوسکتی ہے۔
اقل ترین درجہ حرارت 14 تا 19ڈگری سیلسیس کے درمیان رہے گا۔ حیدرآباد میں 17.8 ڈگری سیلسیس ریکارڈ کیا گیا جو معمول کے درجہ حرارت سے 2.9 ڈگری زیادہ ہے۔آج صبح سے ہی حیدرآباد کے علاوہ کئی مقامات پر موسم ابر آلود ہے۔ حیدرآباد میں سردی کی لہر پچھلے دو دن سے کم تھی، مگر آج ہلکی بارش کے بعد موسم پھر سے سرد ہوگیا۔
