تلنگانہ وقف بورڈ کے رکن مولانا ڈاکٹر نثار حسین حیدر آغا نے میڈیا سے بات کرتے ہوئے بتایا کہ موجودہ مہلک کورونا وائرس کی وبا کے دوران عیدالاضحیٰ کی طرز پر ریاستی وقف بورڈ کی جانب سے سرکلر جاری کیا گیا ہے۔
سرکلر کے تحت ماہ محرم میں احتیاطی اقدامات کے ساتھ علموں کی ایستادگی اور عاشور خانوں کو سجانے کے علاوہ ان مقامات پر سینی ٹائزیشن، سماجی فاصلے اور ماسک کا استعمال کرنے کی تلقین کی گئی ہے۔
انہوں نے بزرگوں اور بچوں کو عزاداری تعزیتی ماتمی محفلوں میں شریک ہونے سے گریز کا مشورہ دیا۔
انہوں نے مزید کہا کہ حضرت امام حسین ابن علی نے ساری دنیا کے لیے محبت صبر و ضبط ایثار و قربانی استقامت کا درس دیا، آپ کی تعلیمات رہتی دنیا تک کے لیے مشعل راہ ہیں۔ یہی وجہ ہے کہ آپ کسی ایک ذات فرقہ یا جماعت تک محدود نہیں رہے۔
مزید پڑھیں:
دوردرشن اردوپر یکم محرم سےعاشورے کے دن تک پیغام کربلا
انہوں نے مزید کہا کہ ریاستی حکومت کے بتائے گئے تمام اصولوں پر عمل کریں۔
