تلنگانہ کے چیف سکریٹری سومیش کمار نے اعلیٰ عہدیداروں کے ساتھ 2 جون کو باغ عامہ میں منعقد ہونے والی یوم تاسیس تلنگانہ تقاریب کے انتظامات کا جائزہ لیا۔ انہوں نے ڈریس ریہرسل کا بھی معائنہ کیا۔وزیراعلی کے چندر شیکھر راؤ صبح 9 بجے یوم تاسیس تلنگانہ کے ضمن میں قومی پرچم لہرائیں گے۔ وہ گن پارک پر شہیدان تلنگانہ کی یادگار پر گلہائے عقیدت پیش کرتے ہوئے شہیدوں کو خراج پیش کریں گے۔Telangana Formation Day Celebration Arrangements
چیف سکریٹری نے عہدیداروں سے انتظامات کے سلسلہ میں تفصیلی بات چیت کی اور رسمی پریڈ کا معائنہ کیا۔ چیف سکریٹری کے ہمراہ ڈائرکٹر جنرل پولیس مہیندر ریڈی، اسپیشل چیف سکریٹری بلدی نظم و نسق اروند کمار، اسپیشل چیف سکریٹری انرجی سنیل شرما، کمشنر جی ایچ ایم سی لوکیش کمار، منیجنگ ڈائرکٹر حیدرآباد میٹرو واٹر ورکس دانا کشور، ایڈیشنل سکریٹری پروٹوکول ارویندر سنگھ اور دیگر اعلیٰ عہدیدار موجود تھے۔ ٹریفک پولیس نے یوم تاسیس تلنگانہ تقاریب کے سلسلہ میں پبلک گارڈن کے اطراف و اکناف تحدیدات عائد کی ہیں۔
