کورونا: مرکزی ٹیم نے جی ایچ ایم سی کنٹرول روم کا معائنہ کیا

مرکز کی ٹیم نے آج گریٹرحیدرآباد میونسپل کارپوریشن (جی ایچ ایم سی) کے کنٹرول روم کا معائنہ کیا۔ اس ٹیم نے اپنے دورہ کے چوتھے دن آج یہ معائنہ کیا اور ریاست میں کورونا وائرس کی روک تھام کے لئے کئے گئے اقدامات سے واقفیت حاصل کی۔

عہدیداروں نے اس کنٹرول روم میں دستیاب خدمات سے اس ٹیم کو واقف کروایا۔

ارون بروکا ایڈیشنل سکریٹری وزارت جل شکتی کی زیرقیادت اس پانچ رکنی ٹیم نے گُڈی ملکاپور مارکٹ کا دورہ کیا اور دکانداروں کے ساتھ ساتھ مارکٹ کو آنے والے افراد سے بھی بات کی۔

ٹیم کے ارکان نے عوام سے اپیل کی کہ وہ عوامی مقامات پر سماجی فاصلہ کو برقرار رکھیں۔