تلنگانہ کے ضلع عادل آباد میں کانگریس نے مرکزی بجٹ کو مخالف عوام قرار دیتے ہوئے احتجاج کیا۔ اس موقع پر کانگریس کی خاتون رہنما جی سجاتا نے میڈیا سے بات کرتے ہوئے کہا کہ مودی حکومت عوام مخالف اقدامات کررہی ہے۔
انھوں نے کہا کہ عوام نے اقتدار سونپا ہے۔ انھیں یاد رکھنا چاہیے کہ عوام اقتدار سے دور بھی کرسکتی۔
انھوں نے کہا کہ اقتدار کے نشے میں یکطرفہ فیصلے کیے جارہے ہیں۔ حکومت کے اقدامات میں فلاح وبہبود، راحت اور سہولت ندراد ہے۔انھوں نے کہا مرکزی حکومت عام آدمی پر اضافی بوجھ بنے گا۔اور غریب پریشان ہوجائیں گے۔خاتون رہنما نے کہا مودی حکومت نے بجٹ میں سرمایہ کاروں کا بہت خیال رکھا ہے۔
اس موقع پر کانگریس رہنما سجاتا نے مودی حکومت سے مطالبہ کیا کہ فوری طور پر پٹرول اور ڈیزل کی قیمتوں کو کم کیا جائے۔
