تلنگانہ کے وزیر خزانہ ہریش راو نے مسلمانوں سے اپیل کی ہے کہ کورونا وائرس کے پیش نظر عید گھروں میں ہی منائیں۔
انہوں نے کہاکہ یہ تہوار قربانی اور پاکی کی علامت ہے۔انہوں نے تمام مسلمانوں کو عید کی مبارکباد پیش کی اور کہاکہ یہ تہوار فرقہ وارانہ ہم آہنگی کی مثال ہے۔
ریاستی حکومت نے عید کو ریاستی تہوار کے طورپر تسلیم کیا ہے۔وزیرموصوف نے کہاکہ حکومت اقلیتی طبقہ کی بہبود کے لئے مناسب اقدامات کررہی ہے۔انہوں نے آج سدی پیٹ ضلع میں منعقدہ ایک پروگرام کے دوران یہ بات کہی۔وزیرموصوف نے ساتھ ہی شہریوں سے خواہش کی کہ وہ آنے والے موسم برسات کے پیش نظر اپنے گھروں کو ابھی سے صاف ستھرا رکھیں اور پرانی اشیا میں پانی جمع نہ ہونے دیں تاکہ بیماریوں سے ہم بچ سکیں۔
