حیدرآباد: دہلی شراب بدعنوانی کیس کی جانچ کررہی ہے سی بی آئی نے تلنگانہ کے وزیر اعلی کے چندر شیکھر راؤ کی بیٹی اور تلنگانہ راشٹریہ سمیتی کی ایم ایل سی کے کویتا کو 6 دسمبر کو پوچھ گچھ کے لیے طلب کیا ہے نوٹس کا جواب دیتے ہوئے کویتا نے ایک بیان میں کہا کہ انہوں نے افسران کو مطلع کیا ہے وہ ان سے حیدرآباد میں واقع ان کے آفس پر ملاقات کرسکتے ہیں۔ Delhi Excise Policy Scam Case
سی بی آئی نے نوٹس میں کہا کہ مذکورہ بدعنوانی کیس کی تحقیقات کے دوران، کچھ حقائق سامنے آئے ہیں جن سے آپ (کویتا) واقف ہو سکتے ہیں۔تحقیقات کے مفاد میں ایسے حقائق پر آپ کی جانچ ضروری ہے۔اس لیے درخواست کی جاتی ہے کہ مذکورہ بالا کیس کی تفتیش کے سلسلے میں 6-12-2022 کو صبح 11.00 بجے اپنی سہولت کے مطابق جگہ (حیدرآباد یادہلی) سے آگاہ کریں۔ یہ نوٹس انسداد بدعنوانی بیورو ونگ کے ڈی ایس پی آلوک کمار شاہی نے جاری کیا۔ بدعنوانی میں مبینہ طور سے رشوت لینے کے معاملے میں دہلی کی ایک عدالت میں انفورسمنٹ ڈائریکٹوریٹ کی طرف سے دائر ریمانڈ رپورٹ میں کویتا کا نام آنے کے بعد، کویتا نے کہا تھا کہ وہ کسی بھی جانچ کا سامنا کرنے کے لیے تیار ہے۔ CBI issues notice to KCRs daughter K Kavitha
