سوشل میڈیا چینل پر کہا گیا کہ "بابا فصیح الدین اور دو کارپوریٹرز کے کورونا سے متاثر ہونے اور 23 مزید کارپوریٹرز کے نتائج کا انتظار ہے"_ ڈپٹی میئر نے اس معاملے کا سخت نوٹ لیتے ہوئے بے بنیاد خبر کی اشاعت کرنے والے سوشل میڈیا چینل TNC کے رپورٹر محمد عمران اور دکن نیوز کے نامعلوم رپورٹر کے خلاف ایف آئی آر درج کروائی۔
ای ٹی وی بھارت نے اس سلسلے میں ڈپٹی میئر سے رابطہ کیا تو انہوں نے خود اس خبر کے بے بنیاد ہونے کی اطلاع دی۔ بابا فصیح الدین نے کہا کہ وہ اور ان کے ساتھی کارپوریٹر صحت مند ہیں انہیں کسی قسم کا کوئی مرض لاحق نہیں ہے۔
انہوں نے سوشل میڈیا پر غیر مصدقہ خبر کی اشاعت پر افسوس کا اظہار کیا اور کہا کہ اس طرح کی حرکت سے پیشہ وارانہ صحافت کی نیک نامی متاثر ہوتی ہے اس لیے خبر کی نشر و اشاعت سے قبل اس کی تصدیق کی جانی چاہیئے۔
ڈپٹی میئر کی افواہ کے خلاف ٹی آر ایس وی تنظیم کے اراکین نے اسسٹنٹ کمشنر سائبر کرائم کے وی ایم پرساد سے ملاقات کرکے شکایت درج کروائی۔ سائبر کرائم پولیس نے خاطیوں کے خلاف دفعات 188، 469، 54 اور 3 کے تحت مقدمہ درج کرتے ہوئے تحقیقات کا آغاز کردیا۔
