لڑکا،لڑکی نے کلاس روم میں شادی کرلی

ریاست آندھراپردیش کے راجا مہیندراورم گورنمنٹ جونیر کالج میں زیرتعلیم لڑکا اورلڑکی نے کلاس روم میں شادی کرلی۔

مشرقی گوداوری ضلع میں واقع راجا مہیندراورم جونیر کالج میں زیر تعلیم لڑکا اور لڑکی نے کالج کے کلاس روم میں ہی شادی کرلی۔دونوں نابالغ بتائے گئے ہیں۔

لڑکے نے لڑکی کو منگل سوترباندھا اور دیگر رسوم ادا کیے۔ ان کے ساتھیوں نے اس کا ویڈیوبناکرسوشیل میڈیا پراپ لوڈ کردیا۔ جس کے بعد کالج پرنسپل نے ان دونوں کو کالج سے نکال دیا۔

دونوں کے والدین ان کے اس اقدام سے پریشان ہیں۔