تلنگانہ کے منچریال ضلع میں بی جے پی کا احتجاج

غریبوں کو ڈبل بیڈ روم مکانات کی فراہمی کا مطالبہ کرتے ہوئے ضلع منچریال میں کلکٹریٹ کے سامنے بی جے پی کے کارکنوں نے احتجاج کیا۔

بی جے پی کارکنوں نے تلنگانہ کےمنچریال ضلع میں غریبوں کو ڈبل بیڈ روم مکانات فراہم کرنے کا مطالبہ کرتے ہوئے احتجاج کیا۔

اس احتجاج میں مقامی افراد نے بھی بڑی تعداد میں شرکت کی۔ اس موقع پر مظاہرین اور پولیس کے درمیان بحث وتکرار اور دھکم پیل بھی ہوئی۔ احتجاج سے قبل یہ رہنما ریلی کی شکل میں آئی بی چوراہے سے کلکٹریٹ تک پہنچے۔

انہوں نے مطالبہ کیا کہ کلکٹر ان کے پاس پہنچ کر ان کے میمورنڈم کو وصول کریں۔ انہوں نے کہا کہ قبل ازیں جن افراد کو اراضی کے پٹہ جات فراہم کئے گئے تھے ان کو ڈبل بیڈ روم مکانات فراہم کئے جائیں۔

ان مظاہرین نے کلکٹریٹ کے گیٹ کے قریب دھرنا دیتے ہوئے حکومت کے خلاف نعرے بازی کی۔ کلکٹر کے باہر نہ آنے پر ان احتجاجیوں نے اندر داخل ہونے کی کوشش کی جس کو پولیس نے ناکام بناتے ہوئے ان کو حراست میں لے لیا۔ اس موقع پر کچھ دیر کے لیے صورتحال کشیدہ ہوگئی۔

یو این آئی