نوجوانوں نے راستے میں آر ٹی سی بس کی توڑ پھوڑ کی اور ڈرائیور پر حملہ کرکے اسے زخمی کردیا۔ رات میں تقریباً 12:00 بجے تا 3:00 بجے تک، کچھ نوجوان موٹر سائیکل پر ٹرپل سوار تھے اور سڑک پر ہنگامہ کر رہے تھے۔ وہ آر ٹی سی کمپلیکس، سورنا بھارتی اسٹیڈیم چوراہے اور بیچ روڈ پر تیزی سے بائیک چلا رہے تھے جس سے دیگر مسافروں کو پریشانی ہورہی تھی۔ انہوں نے آر ٹی سی کمپلیکس جنکشن پر ایک آر ٹی سی بس کو روکا ۔ بس ڈرائیور نے راستہ دینے کو کہا تو مشتعل نوجوانوں نے بس میں توڑ پھوڑ کی۔اور ڈرائیور کی بھی پٹائی کردی۔
اس واقعہ کی پولیس میں شکایت کی گئی پولیس کا کہنا ہے کہ 35 نوجوانوں کی شناخت کرلی گئی جنہوں نے بائیک ریلی نکالی تھی۔ ڈرائیور پر حملہ کرنے والے نوجوان کے ساتھ آٹھ افراد کو گرفتار بھی کر لیا گیا ہے۔ پولیس کا کہنا ہے کہ وہ موٹر سائیکل سواروں کے ذریعے استعمال کی گئی موٹر سائیکلز کو بھی ضبط کریں گے۔
