سی ایل پی رہنما بھٹی وکرمارکا 25 مارچ سے اپنی پد یاترا کا دوبارہ آغاز کریں گے۔ بھٹی وکرمارکا نے عوامی مسائل پر کھمم میں تمام اسمبلی حلقہ جات کا پد یاترا سے احاطہ کا فیصلہ کیا ہے۔ Bhatti Vikramarka on Padyatra
پہلے مرحلہ کی پد یاترا میں اسمبلی کا بجٹ اجلاس شروع ہوا جس کے سبب پد یاترا کو روکنا پڑا۔ 25 مارچ سے دوبارہ پد یاترا شروع ہوگی۔
یہ بھی پڑھیں: Minister KTR America Tour: تلنگانہ کے آئی ٹی وزیر کے ٹی آر امریکہ روانہ
بھٹی وکرمارکا نے کہا کہ تلنگانہ میں کانگریس کا موقف مستحکم ہے اور آئندہ انتخابات میں کانگریس کو اقتدار حاصل ہوگا۔ انہوں نے کہا کہ تلنگانہ کانگریس اور عوام سونیا اور راہول گاندھی کی قیادت پر اعتماد کرتے ہیں۔ بی جے پی رہنما کے بیانات پر تنقید کرکے انہوں نے کہا کہ بنڈی سنجے اور رگھونندن راؤ تلنگانہ کی صورتحال پر گمراہ کن دعوے کر رہے ہیں۔
انہوں نے کہا کہ کانگریس کا دوسرا نام بھٹی اور بھٹی کا دوسرا نام کانگریس ہے۔ دوسروں کی طرح وفاداری بدلنا میرا شیوہ نہیں۔ بھٹی نے کہا کہ پارٹی رہنماوں سے مشاورت کے بعد آئندہ حکمت عملی طئے کی جائے گی۔ سی ایل پی عہدہ حاصل کرنے کے بعد انہوں نے ریاست گیر دورہ مکمل کرلیا تھا ، اب موجودہ حالات میں دوبارہ پد یاترا کا منصوبہ رکھتے ہیں۔
