ریاست تلنگانہ کے وزیر پنچایت راج ای دیاکر راؤ نے کہا ہے کہ کورونا سے لوگوں کو خوفزدہ ہونے کی ضرورت نہیں ہے۔ کسی بھی مسئلے پر لوگ ان سے یا پھر ان کے اہلکاروں سے ربط پیدا کر سکتے ہیں۔ وہ 24 گھنٹے عوام کے لیے دستیاب رہیں گے۔
جنگاوں ضلع کے پالاکرتی حلقہ کے پالاکرتی، کوڈاکونڈا،دیور پلی، پداونگارا، توروو، راما پرتی منڈلوں کے کورونا متاثرین، ان کے ارکان خاندان، عوامی نمائندوں، عہدیداروں کے ساتھ وزیر موصوف نے ٹیلی کانفرنس منعقد کی۔
اس موقع پر متاثرین کی صورتحال سے واقفیت حاصل کی اور دوسری طرف ان میں بھروسہ پیدا کیا۔
انہوں نے کہا کہ حکومت کورونا کی روک تھام کے لیے مناسب اقدامات کر رہی ہے۔
وزیر موصوف نے کورونا سے بچنے کے لیے تغذیہ بخش غذاؤں کے استعمال کا بھی مشورہ دیا۔
