جوبلی ہلز پولیس نے کہا کہ ملزم کی شناخت پڑوسی ریاست سریکاکلم کے رہنے والے 32 سالہ ٹی چرنجیوی کے طورپر کی گئی ہے جو حیدرآباد کے کرشنانگر میں مقیم تھا۔
پولیس کے مطابق چرنجیوی نے شراب کے نشہ میں نیوز چینل کے دفتر کے کیبن پر سنگباری کی جس کے نتیجہ میں اس کے کیبن کا شیشہ ٹوٹ گیا۔ ڈی سی پی ویسٹ زون اے آرسرینواس نے یہ بات بتائی۔
انہوں نے کہاکہ اس واقعہ کے بعد ملزم وہاں سے فرار ہوگیا اور جوبلی ہلز چیک پوسٹ پہنچا جہاں اس نے حالت نشہ میں ہنگامہ آرائی کی۔ پولیس نے اس کو گرفتار کرلیا۔ پولیس کا کہنا ہے کہ اس کا کسی بھی گروپ یا سیاسی جماعت سے تعلق ہونے کا ہنوز کوئی ثبوت نہیں ملا ہے بلکہ اس نے حالت نشہ میں سنگباری کی تھی۔ اس کو عدالت میں پیش کردیا گیا۔
