ایم آئی ایم کے سربراہ اسد الدین اویسی نے کہا کہ میئر اور ڈپٹی میئر کے عہدوں پر فیصلہ کارپوریٹرز سے بات چیت کے بعد لیا جائے گا۔
انہوں نے کہا کہ آنے والے دنوں میں بی جے پی کو مزید بڑھنے سے روکنا ہوگا۔
ایم آئی ایم کے سربراہ اسدالدین اویسی نے کہا کہ بی جے پی نے اس بار کئی ریاستوں میں کامیابی حاصل کی ہے اور آنے والے دنوں میں پارٹی کو مزید بڑھنے سے روکیں گی۔
انہوں نے کہا کہ وہ پہلے اعلان کے پابند ہیں کہ وہ کیرالہ اور آسام میں مقابلہ نہیں کریں گے۔
مزید پڑھیں:تلنگانہ میں بی جے پی کا عروج، ریاست کی سیاست میں بھونچال
انہوں نے بلدیہ انتخابات کے نتائج کے بعد اپنی رہائش گاہ پر میڈیا گفتگو کرتے ہوئے کہا کہ عوام نے انہیں 86 فیصد کے قریب ووٹ دیے ہیں۔
اسدالدین اویسی نے پرس کانفرنس سے خطاب کرتے ہوئے کہا کہ گریٹر حیدرآباد میونسپل کارپوریشن(جی ایچ ایم سی) انتخابات میں مجلس اتحاد المسلمین نے اپنی سابقہ پکڑ کو برقرار رکھا ہے۔
خیال رہے کہ ایم آئی ایم کو بلدیہ انتخابات میں 44 نششتوں پر کامیابی حاصل کی ہے، گذشتہ پانچ برسوں میں ان کی کامیابی اس بار بھی پہلے کی طرح رہی ہے۔
انتخابی مہم میں امت شاہ نے گھانسی بازار میں مہم چلائی تھی لیکن بی جے پی کو شکست ہوئی اور اتر پردیش کے وزیر اعلیٰ یوگی ادیتیہ نت نے حیدرآباد میں انتخابی مہم چلائی تھی لیکن یہاں بھی بی جے پی کو نا کامیابی ملی-
