حیدرآباد کی تاریخی مکہ مسجد میں ان دنوں وضو خانہ کی تزئین کاری کا کام چل رہا ہے۔ لیکن وضو خانہ کو چھوٹا کیا جارہا تھا اور اس میں اینٹ کا استعمال کیا جا رہا تھا جس کی اطلاع ملتے ہی رکن اسمبلی ممتاز احمد خان نے اس کام کو فوری طور پر رکوا دیا تھا۔
اسدالدین اویسی نے مکہ مسجد کی تزئین کاری کا جائزہ لیا
ای ٹی وی بھارت کی خبر شائع ہونے کے بعد آج صدر مجلس و حیدرآباد سے رکن پارلیمان اسدالدین اویسی کے ہمراہ اقلیتی بہبود کے مشیر عبدالقیوم خان نے دورہ کیا۔
اس موقع پر عبدالقیوم خان نے میڈیا کے نمائندوں کو بتایا کہ وضو خانے کا جو کام کیا جارہا ہے وہ درست نہیں ہے، اس کے اندر اینٹوں کا استعمال کیا جارہا ہے جس کو اب روک دیا گیا ہے۔
انہوں نے کہا کہ تاریخی وضو خانہ کو گچی اور پتھر کا استعمال کر بنایا جائے۔ مکہ مسجد کی تزئین وآرائش کے لیے 9 کروڑ روپے منظور کیے گئے ہیں۔
