حیدرآباد کے شاستری پورم میں واقع پولنگ بوتھ پر مجلس اتحاد المسلمین کے صدر اسدالدین اویسی نے ووٹ دیا۔ انہوں نے ابتدائی اوقات میں ہی پولنگ بوتھ پہنچ کر ووٹ دیا۔
جی ایچ ایم سی انتخابات: اسدالدین اویسی نے ووٹ دیا
ووٹ دینے کے بعد انہوں نے میڈیا سے بات کرتے ہوئے کہا کہ ووٹ دینا ہر شہری کا ڈیموکریٹک رائٹ ہے جس کے ذریعہ ہم اپنی پسند کا اظہار کرسکتے ہیں۔ انہوں نے حیدرآباد کے عوام سے بڑھ چڑھ کر ووٹنگ میں حصہ لینے کی اپیل کی۔
اسدالدین اویسی نے رائے دہندوں سے پرانے شہر کی ترقی اس کی تہذیب، تمدن، زبان کی حفاظت کےلیے ووٹنگ میں بڑھ چڑھ کر حصہ لینے کی خواہش کی۔ انہوں نے خاص طور پر نوجوان ووٹرس سے اپنے مستقبل کےلیے ووٹنگ میں حصہ لینے کی اپیل کی۔
