ٹک ٹاک کا جنون، میونسپل ملازمین برطرف

ریاست تلنگانہ کے کھمم میونسپل کارپوریشن کے 11 آوٹ سورسنگ ملازمین کو ٹک ٹاک ویڈیوز بنانے کے الزام میں برطرف کردیا گیا۔

کھمم میونسپل کارپوریشن کے 11 آوٹ سورسنگ ملازمین کو ٹک ٹاک پر ویڈیوز بنانے کے نون کی وجہ سے ملازمت سے محروم ہونا پڑا۔
ملازمین کی جانب سے دفتر کے اندر اور کام کے اوقات میں ٹک ٹاک ویڈیوز بناکر سوشیل میڈیا پر اپ لوڈ کرنے کا الزام ہے۔
میونسپل دفتر کے اندر کام کے اوقات میں ملازمین کی جانب سے بنائے گئے مذاقیہ ٹک ٹاک ویڈیوز کے منظر عام آنے کے بعد مختلف گوشوں سے تنقیدیں کی جارہی تھی۔

اس سلسلہ میں کمشنر سرینواس راؤ نے دفتر میں کام کے بجائے ٹک ٹاک ویڈیوز بنانے والے آوٹ سورسنگ کے 11 ملازمین کے خلاف کاروائی کرتے ہوئے انہیں ملازمت سے برخواست کرنے کے احکامات جاری کئے۔