آرٹیکل 370 کی منسوخی کے خلاف عثمانیہ یونیورسٹی میں سمینار

ریاست تلنگانہ کے دار الحکومت حیدرآباد میں بائیں بازو کی تنظیموں کی جانب سے کشمیر کے خصوصی درجے کو ختم کیے جانے کے خلاف ایک سمینار منعقد کیا گیا۔

حیدرآباد کی تاریخی یونیورسٹی جامعہ عثمانیہ میں مسئلہ کشمیر پر منعقدہ سیمنار میں مودی حکومت کی جانب سے آرٹیکل 370 کی منسوخی پر شدید تنقید کی گئی۔
اس موقع پر دانشوروں نے مرکزی حکومت کے اس اقدام کو غیر جمہوری قرار دیا۔
پروفیسر وینو گوپال نے حیدرآباد، کشمیر اور جونا گڑھ کا تقابل کرتے ہوئے کہا کہ ملک میں خصوصی درجہ کی حامل کئی ریاستیں ہیں۔

ایسے میں صرف ایک ریاست کے خصوصی درجے کو ختم کرنا وہاں کے عوام کے ساتھ ناانصافی کے مترادف ہے اور اس کے سنگین نتائج برآمد ہو سکتے ہیں۔پروفیسر نے ماحولیاتی نظام میں بگاڑ کا اندیشہ ظاہر کرتے ہوئے بتایا کہ مستقبل میں کشمیر گلوبل وارمنگ کا شکار ہو سکتا ہے جس سے ملک کو شدید خطرہ لاحق ہے۔