آندھرا پردیش کے وزیراعلی جگن کی چندر شیکھر راو سے ملاقات

AP Chief Minister YS Jagan meets ex CM of Telangana KCR ریاست آندھرا پردیش کے وزیراعلی وائی ایس جگن موہن ریڈی نے تلنگانہ کے سابق وزیر اعلی چندر شیکھر راو سے ملاقات کی اور ان کی جلد صحت یابی کے لئے نیک تمناؤں کا اظہار کیا ہے۔

حیدرآباد: آندھراپردیش کے وزیراعلی وائی ایس جگن موہن ریڈی نے آج تلنگانہ کے سابق وزیراعلی و بی آر ایس پارٹی کے صدر کے چندر شیکھر راو سے ملاقات کی۔ بی آر ایس کے لیڈروں نے جگن کا استقبال کیا۔یہ ملاقات نندی گری میں واقع ان کی قیامگاہ پر ہوئی۔ آندھرا پردیش کے وزیر اعلی جگن موہن ریڈی نے کے چندر شیکھر راو کی عیادت کی جو فارم ہاوز میں گر پڑنے اور سرجری کے بعد گھر پر آرام کررہے ہیں۔

اس خیرسگالی ملاقات کے موقع پر وزیراعلی جگن موہن ریڈی نے کے چندر شیکھر را و کی صحت کے بارے میں ان سے معلومات حاصل کیں اور جلد صحت یابی کے ساتھ سیاسی سفر کے دوبارہ آغاز کے لئے نیک تمناوں کا اظہارکیا۔ جگن کی آمد کے موقع پر پولیس کی جانب سے کے چندر شیکھر راو کی قیامگاہ کے قریب بندوبست دیکھا گیا۔