تھیٹرس ایسوسی ایشن کے نمائندوں نے افسوس کااظہارکرتے ہوئے کہا ہے کہ کورونالاک ڈاون کی وجہ سے سنیما ہالس گزشتہ 6ماہ سے بند ہیں۔
سنیماگھروں کو آنے والے افراد کو اس انفکشن سے بچانے کیلئے تمام طرح کے احتیاطی اقدامات کئے جائیں گے۔ایسوسی ایشن کے ذمہ داروں نے کہا کہ حکومت کی جانب سے سبسیڈی دیئے جانے پر ہی تھیٹر انڈسٹری کی بقا ممکن ہے۔
انہوں نے کہاکہ وزیراعلی کے چندرشیکھرراو کو چاہئے کہ وہ ریاست میں سنیماتھیٹرس کو کھولنے کی اجازت دیں۔انہوں نے کہاکہ تھیٹرس کو زیادہ بجلی کے بلز وصول ہوئے ہیں۔انہوں نے واضح کیا کہ تھیٹرس کو کھولنے کے دوران اس بات کو یقینی بنایاجائے گاکہ فلم بین فلم دیکھنے کے لئے دیئے جانے والے ٹکٹ کو نہ چھوئیں اور تھیٹر میں اندرداخل ہوتے وقت اور باہر نکلتے ہوئے ہجوم جمع نہ ہوپائے۔
