امراپالی، وزیراعظم دفتر کی ڈپٹی سیکریٹری مقرر

تلنگانہ میں جوائنٹ کلکٹر ،کلکٹر کی خدمات انجام دینی والی خاتون آئی اے ایس افسر امراپالی کو ڈپٹی سیکریٹری برائے وزیراعظم دفتر مقرر کیا گیا ہے۔

خاتون آئی اے ایس عہدیدار امراپالی جنہوں نے تلنگانہ میں کئی عہدوں پر خدمات انجام دی ہیں، کو وزیراعظم کے دفتر میں ڈپٹی سکریٹری مقررکیاگیا ہے۔

امراپالی کا تعلق اے پی کے 2010بیچ سے ہے، وہ 27اکتوبر2023تک وزیراعظم کے دفتر میں خدمات انجام دیں گی۔ذرائع نے یہ بات بتائی۔

وشاکھاپٹنم کی رہنے والی امراپالی نے تلنگانہ کے وقارآباد کے سب کلکٹر،رنگاریڈی ضلع کی جوائنٹ کلکٹر،ورنگل اربن ضلع کی کلکٹراور مرکزی مملکتی وزیرداخلہ کشن ریڈی کی پرائیویٹ سکریٹری مقررکئے جانے سے پہلے تلنگانہ انتخابات میں جوائنٹ سی ای او کے طورپر بھی خدمات انجام دے چکی ہیں۔