ریاستی الیکشن کمشنر ناگی ریڈی نے اس ضمن میں پریس کانفرنس کرتے ہوئے تمام چیزوں کے بارے میں تفصیل سے واقف کرایا۔
انہوں نے بتایا کہ ریاست میں پہلی مرتبہ ٹینڈر ووٹنگ کا طریقہ کار متعارف کرایا گیا ہے جس کے تحت کسی ووٹر کے ووٹ کا اس کی غیر موجودگی میں غلط استعمال کیا جائے تو محروم ووٹر کو بیلیٹ ووٹ کی سہولت فراہم کی جائے گی۔
ریاست میں 120 مونسپلٹیز اور 10 میونسپل کارپوریشنز کے لیے ووٹنگ عمل میں آئے گی۔ صبح آٹھ بجے سے ووٹنگ کا آغاز ہوگا اور شام پانچ بجے تک ووٹنگ کا عمل ختم ہوگا۔
تلنگانہ کے 2647 مونسپلٹیز و 382 کارپوریشنز کے لیے 12926 امیدوار میدان میں ہیں۔
الیکشن کمشنر نے بتایا کہ ووٹنگ کے لیے 7961 پولنگ بوتھ پر 45000 ہزار ملازمین کی خدمات حاصل کی گئی ہے۔
ناگی ریڈی نے انتخابی مہم کے دوران 44 لاکھ روپے نقد اور 16 لاکھ روپے کے شراب ضبط کرنے کی اطلاع دی۔ عوام سے ووٹنگ کرکے بھر پور استفادہ کرنے کی اپیل کی۔
