ہفتے کے روز پورے تلنگانہ میں طوفانی بارش کی وجہ سے معمولات زندگی درہم برہم ہوگئے اور کچھ علاقوں میں سیلاب کے باعث کچھ دیہاتوں میں آمدورفت منقطع ہوگئی۔ جبکہ متعدد اضلاع میں، گھروں میں پانی داخل ہوگیا جس سے رہائشیوں کی زندگی اجیرن ہوگئی۔
ادھر وزیر اعلیٰ کے سی آر نے ہفتے کے روز سرکاری رہائش گاہ پرگتی بھون میں منعقدہ ایک اعلی سطحی اجلاس میں ریاست کی صورتحال کا جائزہ لیا۔
تلنگانہ کے وزیر اعلیٰ کے چندر شیکھر راؤ نے حکام کو الرٹ رہنے کی ہدایت دی۔ شدید بارش نے ریاست کے کچھ حصوں میں سیلاب کی صورتحال پیدا ہوئی۔
بارش کی وجہ سے ضلع ورنگل کے قصبے کچھ حصے زیرآب آگئے۔ مقامی حکام نے امدادی سرگرمیاں شروع کیں۔ مقامی حکام نے متاثرہ علاقوں سے لوگوں کو امدادی کیمپوں میں منتقل کردیا۔
ادھر، جیاشنکر بھوپال پلی ضلع میں بھارتی فضائیہ (آئی اے ایف) کے ایک ہیلی کاپٹر کے ذریعہ 14 کسانوں کو بچایا گیا۔ کسان کندن پلی گاؤں میں سیلاب کے پانی میں پھنس گئے جب وہ اپنے کھیتوں میں ضرورت سے زیادہ پانی نکالنے کے لئے جارہے تھے۔
