حیدرآباد سائبر کرائم پولیس نے ابو فیصل نامی شخص کو گرفتار کیا۔
مذکورہ شخص پر الزام ہے کہ اس نےکوویڈ کے ابتدائی دور میں ایک طبقے کے خلاف بولنے اور ذلت کرنےکے لئے سوشل میڈیا پر ویڈیو پوسٹ کیا تھا۔ دبئی سے حیدرآباد آنےوالے اس شخص کو پولیس نے شمش آباد ایئرپورٹ پر تحویل میں لیکر ریمانڈ میں بھیج دیا۔
حیدرآباد سائبر کرائم پولیس نے مذکورہ شخص کوگرفتار کرتے ہوئے کہا کہ اس نےایک کمیونٹی کو ذلیل کرنے کی دھمکی دیتے ہوئے ویڈیو سوشل میڈیا پر پوسٹ کیا تھا۔
حیدرآباد کے چندرائن گٹہ سے تعلق رکھنے والے فیصل عرف لطیف محمدکے خلاف پولیس نے بہت پہلے کیس درج کیا تھا۔تب سے وہ دبئی میں روپوش ہے۔
پولیس نے اس کے خلاف لک آؤٹ نوٹس جاری کی تھی جس پر اس کے دبئی سے آنے کی خبر موصول ہوئی۔ پولیس نے آج شمش آباد ایئرپورٹ پر اسے گرفتار کرلیا اور ریمانڈ میں بھیج دیا۔
