عادل آباد۔ناندیڑ انٹر سٹی ایکسپریس ٹرین میں ایک بڑا حادثہ ہوتے ہوتے ٹل گیا۔ عادل آباد۔ناندیڑ انٹر سٹی ایکسپریس ٹرین کے تلنگانہ کے ضلع عادل آباد سے روانگی کے دوران اس کے انجن میں اچانک آگ نظر آئی۔
آگ نظر آنے کے بعد ریلوے کے اہلکاروں نے چوکسی کا مظاہرہ کیا اور تلاموڑوگو ریلوے اسٹیشن کے قریب فائر بریگیڈ کے اہلکاروں نے وہاں پہنچ کر آگ پر قابو پایا جس کے بعد اہلکاروں نے راحت کی سانس لی۔
تاحال آگ لگنے سے کسی جانی نقصان کی کوئی اطلاع نہیں ہے۔ آگ پر قابو پانے کے بعد عادل آباد سے دوسرا انجن بھیجا گیا۔
بتایا جاتا ہے کہ تکنیکی خرابی کی وجہ سے یہ آگ لگی۔ یہ پیسنجر ٹرین عادل آباد سے مہاراشٹر جا رہی تھی۔
