حیدرآباد: بچے کو خنزیر کے ریوڑ نے کاٹ کر ہلاک کر دیا

تلنگانہ میں ایک افسوسناک حادثہ پیش آیا ہے، جس میں سور کے جھنڈ نے ایک چار سالہ بچے کو کاٹ کر ہلاک کر دیا۔

تلنگانہ کے شہر حیدر آباد کے سید آباد میں یہ حادثہ پیش آیا ہے۔ سور کے جھنڈ نے بچے کو کاٹ کر ہلاک کر دیا۔

پولیس نے بتایا 'سیدآباد پولیس اسٹیشن کے حدود میں سنگینری کے علاقے میں ایک چار سالہ بچہ گھر کے باہر کھیل رہا تھا۔ اس بیچ گلی کے سوروں نے بچے کو موت کے گھاٹ اتار دیا'۔

پولیس کے مطابق 'انھیں وی کیشیا کی شکایت موصول ہوئی جس نے بتایا کہ منگل کی شام اس کا بیٹا وی ہرشوردھن اپنی گھر کے سامنے کھیل رہا تھا تو گلی کے کچھ سوروں نے اس پر حملہ کیا اور اسے کاٹ ڈالا جس کے بعد اس کا بیٹا موقع پر ہی دم توڑ گیا'۔

والد نے بتایا 'وہ لڑکے کو ہسپتال لے گئے، جہاں ڈاکٹروں نے اسے مردہ قرار دے دیا'۔

پولیس نے بتایا کہ مقدمہ درج کرلیا گیا ہے اور بچے کی لاش پوسٹ مارٹم کے لئے سرکاری ہسپتال منتقل کردی گئی ہے۔