تلنگانہ میں کوویڈ 19 کے 364 نئے معاملات درج

تلنگانہ میں کوویڈ 19کے364 نئے معاملات درج کئے گئے ہیں، جس کے بعد ریاست میں معاملات کی تعداد بڑھ کر 3 لاکھ 2,724 ہوگئی ہے۔ ریاست میں بہ حیثیت مجموعی اموات کی تعداد بڑھ کر1,666ہوگئی ہے۔ کیونکہ گذشتہ 24گھنٹوں کے دوران مزید 2 اموات ہوئی ہیں۔

ریاست تلنگانہ کے محکمہ صحت کی جانب سے جاری کردہ بلیٹن میں کہا گیا ہے کہ ریاست میں 189 افراد روبہ صحت ہوئے ہیں۔ جس کے بعد ریاست میں اب تک اس مرض سے روبہ صحت ہونے والوں کی تعداد بڑھ کر 2 لاکھ 98,451 ہوگئی ہے۔ ریاست میں سرگرم معاملات کی تعداد 2,607ہے، جن میں 980 مریض گھروں پر یا پھر اسپتالوں میں الگ تھلگ رکھے گئے ہیں جہاں ان کا علاج کیاجارہا ہے۔

تلنگانہ میں کوویڈ 19کے 364 نئے معاملات درج

گزشتہ 24گھنٹوں کے دوران 66,086کوویڈ 19کے معائنے کئے گئے تاہم 698 نمونوں کی رپورٹس کا انتظار ہے۔ اس طرح بہ حیثیت مجموعی 95.48 لاکھ نمونوں کی جانچ ریاست میں اس مرض کے پھیلنے کے بعد سے کی گئی ہے۔ جی ایچ ایم سی حدود میں 75 نئے معاملات درج کئے گئے ہیں۔ بقیہ معاملات ریاست کے دیگر اضلاع میں درج کئے گئے۔

یو این آئی