تلنگانہ کے ضلع نلگنڈہ میں سڑک حادثہ، 3 ہلاک

تلنگانہ کے ضلع نلگنڈہ میں پیش آئے سڑک حادثہ میں تین افراد موقع پر ہی ہلاک اور دیگر دو شدید زخمی ہوگئے۔

سڑک حادثہ ضلع کی قومی شاہراہ نمبر 65 پر آج صبح کی اولین ساعتوں میں اُس وقت پیش آیا جب کار نے ٹہری ہوئی لاری کو ٹکر دے دی۔

اس سڑک حادثہ میں تین افراد موقع پر ہی ہلاک اور دیگر دوزخمی ہوگئے جبکہ کار میں سوار دیگر تین بچے محفوظ رہے۔

پولیس نے بتایا کہ یہ کار کوتم پلی سے حیدرآباد کی سمت جارہی تھی نے ٹہری ہوئی لاری کو ٹکر دے دی۔ بتایا جاتا ہے کہ ڈرائیور حالت نیند میں تھا جس کی وجہ سے یہ حادثہ پیش آیا۔ کار میں ڈرائیور نے دوسرے افراد کو بھی بٹھالیا تھا۔