تامل ناڈو: پارٹی نے پلانی سوامی کو وزیراعلیٰ کے عہدہ کا امیدوار بنایا

تامل ناڈو کی حکمراں جماعت اے آئی اے ڈی ایم کے نے بدھ کے روز اعلان کیا ہے کہ ریاست میں آئندہ برس ہونے والے اسمبلی انتخابات میں ای کے پلانی سوامی کو وزیراعلی کا امیدوار نامزد کیا گیا ہے۔

جنوبی ہند کی ریاست تمل ناڈو کی حکمراں جماعت اے آئی اے ڈی ایم کے نے نائب وزیر اعلی او پنیر سیلوم اور وزیر اعلی ای کے پلانی سوامی کے مابین کئی روز سے جاری رسہ کشی کو صلح میں تبدیل کر دیا ہے اور آئندہ برس ہونے والے اسمبلی انتخابات کے لیے پلانی سوامی کو ہی وزیراعلی کا امیدوار نامزد کیا گیا ہے۔

پلانی سوامی اور پنیرسیلوم نے بدھ کے روز پارٹی ہیڈ کوارٹر میں منعقد مشترکہ پریس کانفرنس میں اس کا اعلان کیا ہے۔

واضح رہے کہ ریاست تامل ناڈو میں سنہ 2021 کے اپریل تا مئی میں اسمبلی انتخابات ہونے والے ہیں۔