ایک سرکاری ریلیز میں اسٹالن نے کہا کہ کورونا کے سبب اپنے والدین کو کھوچکے ایسے بچے جب 18 سال کے ہو جائیں گے تب انہیں سود سمیت یہ رقم مہیا کی جائے گی۔
انہوں نے کہا کہ ان یتیم بچوں کی تعلیم اور ہوسٹل و گریجویٹ تعلیم حاصل کرنے تک خرچ حکومت برداشت کرے گی۔ انہوں نے کہا کہ ایسے بچوں کو سرکاری رہائش میں رہنے میں ترجیح دی جائے گی۔
ان کامزید کہنا تھا کہ جو بچے اپنے والدین میں سے کسی ایک سے محروم ہوئے ہیں انہیں بھی فکس ڈپازٹ کے طورپر پانچ لاکھ روپے دئے جائیں گے۔
وزیراعلیٰ نے کہا کہ جو بچے کووڈ کے سبب اپنے والدین سے محروم ہوگئے ہیں اوروہ سرکاری گھرمیں نہیں رہتے ہیں، انہیں اپنے رشتے داروں کے ساتھ رہنے پر 18 سال کاہونے تک تین ہزار روپے ماہانا بھتہ دیا جائے گا۔
انہوں نے کہا کہ ایسے یتیم بچوں کے لئے ایک ٹاسک فورس تشکیل دی جائے گی۔ اس کی نگرانی کے لئے ہرایک اضلاع میں اسپیشل کمیٹی ہوگی۔ کمیٹی امدادی اقدامات کے لئے خصوصی ہدایات تیارکرے گی۔ اس میں چیف سکریٹری، محکمہ خزانہ کے افسر، سوشل ویلفیئر سکریٹری اور رضاکارانہ تنظیمیں شامل ہوں گی۔
