گزشتہ روز چینئی کے واشرمن پیٹ میں شہریت ترمیمی قانون اور این آر سی کے خلاف مظاہرے کے دوران پولیس اور مظاہرین کے مابین تصادم ہوا جس کے بعد پولیس نے سینکڑوں مظاہرین کو حراست میں لے لیا ہے۔
تفصیلات کے مطابق مظاہرین سی اے اے اور این آر سی مخالف نعرہ لگاتے ہوئے بیچ راستے پر بیٹھ گئے تھے، جب پولیس نے انہیں ہٹانے کی کوشش کی تو مظاہرین اور پولیس کے مابین جھڑپ ہوئی۔
چینئی میں منٹ میٹرو اسٹیشن کے قریب سی اے اے اور این آر سی کے خلاف بڑی تعداد میں لوگوں کے احتجاج کو دیکھتے ہوئے پولیس نے کارروائی کی، پولیس نے مبینہ طور پر ان مظاہرین پر لاٹھی چارج کیا جو واشرمین پیٹ میں مظاہرہ کر رہے تھے۔
شہریت ترمیمی قانون(سی اے اے)، قومی شہری رجسٹر(این آر سی) اور قومی آبادی رجسٹر (این پی آر) کے خلاف پورے ملک میں مظاہرے ہو رہے ہیں، وہیں چینئی پولیس نے مبینہ طور پر ان مظاہرین پر لاٹھی چارج کیا ہے جو واشرمین پیٹ میں مطاہرہ کر رہے تھے۔
منٹ میٹرو اسٹیشن کے قریب بڑی تعداد میں لوگوں کے احتجاج کو دیکھتے ہوئے پولیس نے کارروائی کی اور سیںکڑوں مظاہرین کو حراست میں بھی لیا تاہم بعد میں انہیں رہا کر دیا گیا۔
واشرمین پیٹ کے علاقے میں ہزاروں افراد سی اے اے، این آر سی اور این پی آر کے خلاف اکٹھا ہوئے تھے لیکن معاملہ اس وقت سنگین ہو گیا جب پولیس نے کچھ لوگوں کو زبردستی احتجاجی جگہ سے ہٹا دیا اور اس کے بعد مظاہرین اور پولیس میں جھڑپ ہوئی۔
یہاں اکٹھا لوگوں کو ہٹانے کے لیے پولیس کو لاٹھی چارج کرنا پڑا، لیکن لوگ اس کے باوجود نہیں ہٹے بعد میں پولیس نے کئی افراد کو حراست میں لیا جنہیں بعد میں رہا کر دیا گیا۔
