پولیس ذرائع نے ابتدائی رپورٹ کے حوالے سے بتایا کہ چھاپوں کی یہ کاروائی صبح شروع کی گئی جو فی الحال تھتھوکوڈی، چنئی، سلیم، کڈّالور اور نویلی علاقے میں جاری ہے۔
دراصل دلی پولیس نے کچھ وقت قبل اسلامک اسٹیٹ (آئی ایس) سے وابستہ خواجہ معین الدین کو گرفتار کیا تھا۔ جس کا بدلا لینے کے لیے انتہاپسندانہ سرگرمیوں سے منسلک دو مشتبہ افراد اے عبدالشمیم (32) اور ایم توفیق (28) نے کیرلا تمل ناڈو سرحد کی پڑتانتھالومودو چوکی پر تعینات ولسن کو آٹھ جنوری کو قتل کر دیا گیا تھا۔
خواجہ معین الدین ملک میں دہشت گردانہ حملے انجام دینے کے لیے آئی ایس کا نیٹ ورک تیار کر رہا تھا اور اسی معاملے میں دلی پولیس نے اسے گرفتار کیا تھا۔
ذرائع نے بتایا کہ کیرلا کے چار ارکان این آئی اے ٹیم نے تھتھوکوڈی ضلع میں تیروچیندور علاقے کے نزدیک کایالپور پٹینم میں محی الدین فاطمہ کے گھر پر خفیہ اطلاع کی بنیاد پر تلاشی لے رہی ہے۔ پولیس سب انسپکٹر کے قتل سے قبل شمیم اور توفیق دونوں اس کے گھر میں کچھ وقت کے لیے رکے تھے۔
