چنئی ایئرپورٹ پر 31.50 لاکھ روپے مالیت کا 648 گرام سونا ضبط

منگل کو تمل ناڈو کے شہر چنئی کے انا انٹرنیشنل ائرپورٹ پر دبئی سے آئے ہوئے مسافر سے 31.50 لاکھ روپے مالیت کا 648 گرام سونا پکڑا گیا۔

کسٹمز کمشنر کی جانب سے جاری کردہ ریلیز میں کہا گیا ہے کہ انٹلی جنس اطلاع کے مطابق ایک مسافر فضل الدین (26) جو ائر انڈیا کی اڑان پر دبئی سے انا انٹرنیشنل ائرپورٹ پہنچا تھا ، کو روکا گیا اور اس کی تلاشی لی گئی۔

فضل الدین سے 31.50 لاکھ روپے مالیت کا 648 گرام سونا برآمد کیا گیا۔ برآمد شدہ سونا کسٹم ایکٹ کے تحت ضبط کرلیا گیا ہے۔ مسافر کو گرفتار کرلیا گیا ہے اور اس معاملے میں تفتیش جاری ہے۔

یو این آئی