کیمونسٹ پارٹی آف انڈیا اور ڈی ایم کے مابین ہوئی نشستوں کی تقسیم کے معاہدے کے تحت سی پی آئی کو چھ سیٹیں دی گئی ہیں۔
تامل ناڈو میں چھ اپریل کو اسمبلی انتخابات ہونے ہیں۔
اس کے علاوہ یکم مارچ کو ڈی ایم کے نے انڈین یونین مسلم لیگ کے ساتھ سیٹوں کی تقسیم کا اعلان کیاتھا۔ جس میں انڈین یونین مسلم لیگ کو تین سٹیں دینے کا معاہدہ ہواتھا۔
واضح رہے کہ تمل ناڈو میں اسمبلی انتخابات چھ اپریل کو ایک ہی مرحلہ میں ہوگا ۔جبکہ ووٹوں کی گنتی 2 مئی کو ہوگی۔
تامل ناڈو میں اسمبلی انتخابات میں ایک ماہ باقی ہے۔ تاہم کانگریس اور ڈی ایم کے مابین اتحاد میں اختلافات اب سامنے آنے لگے ہیں۔
ذرائع کے مطابق تمل ناڈو کے کانگریس پارٹی کے صدر کے ایس الگیری کانگریس اور ڈی ایم کے مابین سیٹوں کی تقسیم کے دوران ہوی تذلیل کے بعد پارٹی کے ارکان کے سامنے رونے لگے تھے۔
کے ایس ا لگیری کانگریس پارٹی کی ایگزیکیٹیو کمیٹی کے ارکان سے خطاب کے دوران رونے لگے تھے اور کہا کہ ڈی ایم کے نے سیٹوں کی تقسیم کے معاملہ میں کانگریس کو شرمندہ کیا ہے اور بطور کانگیریسی وہ پارٹی کی تذلیل کو برداشت نہیں کرسکتے ۔
