کشمیر میں عالمی تھیٹر ڈے منایا گیا

ملک بھر کے ساتھ ساتھ کشمیر وادی میں بھی ہفتے کے روز تھیٹر کا عالمی دن منایا گیا اس حوالے سے تھیٹر اور فن سے وابستہ مختلف انجمنوں اور دیگر ثقافتی اداروں کی جانب سے کئی تقریبات کا اہتمام کیا گیا۔

جموں و کشمیر اکیڈمی آف آرٹ کلچرل اینڈ لنگویجز کی جانب سے ٹیگورہال سرینگر میں ایک خاص تقریب منعقد کی گئی جس میں کشمیر کالیکٹوی پرفارمنس گروپ کی جانب سے منظور احمد میر کا ڈائریکٹ کیا گیا ڈرامہ 'ہتھہ ہنڈول' پیش کیا گیا

واضح رہے رواں ماہ کی 13 تاریخ سے اکیڈمی کی جانب سالانہ ڈرامہ فیسٹول کا بھی انعقاد عمل میں لایا گیا تھا جس کی اختتامی تقریب بھی 27مارچ یعنی تھیٹر ڈے کے عالمی دن پر ہی منعقد کی گئی اور گزشتہ دو ہفتے تک جاری رہنے والے اس فیسٹول میں تھیٹر سے وابستہ مختلف گروپوں نے اپنے اپنے ڈرامے پیش کئے ۔ٹھیٹر ڈے کی مناسبت سے منعقدہ اس تقریب میں وابستہ سرکردہ شخصیات نے شرکت کی وہیں فن ،ادب اور ڈرامہ سے منسلک کئی اہم لوگوں کے علاوہ ٹیگور ہال میں شائقین فن کی ایک بڑی تعداد بھی موجود تھی۔تقریب پر عالمی سطح پر منائے جانے والے تھیٹر ڈے کی اہمیت کو اجاگر کیا گیا ہے جبکہ تھیٹر سے منسلک افراد نے سیکھنے کے عمل پر زود دیا تاکہ آگے جاکے اپنی صلاحیتوں کو پران چڑھایا جاسکے۔اس موقعہ پر فن سے وابستہ افراد نے تھیٹر کے رموز سے آشنا ہونے کے مقصد کے لئے ورکشاپس کے انعقاد پر زوردیا تاکہ نئی تکنیک کو بروے کار لاکر لوگوں کو تھیٹر کی طرف راغب کیا جاسکے۔اداکار قاضی فیض کہتے ہیں کشمیر وادی میں تھیٹر کو عالمی دن منانے تک ہی محدود رکھا گیا ہے ۔جبکہ فن ،ادب اور دیگر منسلک شعبے اس کی آبیاری کےلئے بہت کم توجہ دیتے ہیں جو کہ لحمہ فکریہ ہے۔تھیٹر کا مطلب عرف عام میں کسی کہانی کو ناظرین کے سامنے ڈرامے کے انداز میں پیش کرنا ہے۔تھیٹر کی تاریخ بہت قدیم ہے ۔اس کا آغاز 2500قبل مسیح میں مصر سے ہواتھا بعد میں اسے یونانیوں نے پروان چڑھایا ۔جبکہ شیکسپیئر جیسے عظیم ڈرامہ نگار نے بھی تھیٹر کو دوام بخشا۔