Shaukat Choudhary on CBI Raid: سی بی آئی کی تحقیقات میں بھرپور تعاون پیش کریں گے، شوکت چودھری

سی بی آئی نے گذشتہ روز کشمیر کے معروف تاجر اور ہیٹرک ہوٹل کے مالک شوکت چودھری کے گھر پر روشنی اسکیم معاملے کے تحت چھاپے مار کارروائی انجام دی۔ اس دوران سی بی آئی شوکت چودھری کی جانب سے خریدی گئی زمین کے کاغذات اور دیگر دستاویزات اپنے ساتھ لے گئی۔Shaukat Choudhary on CBI Raid

سرینگر: سی بی آئی نے روشنی اسکیم کے گھوٹالے کے سلسلے میں سرینگر کے ممتاز تاجر اور ہیٹریک گروپ کے مالک شوکت چودھری کے گھر پر اتوار کو چھاپہ مارا۔ چھاپہ کے دوران سی بی آئی نے روشنی اسکیم کے تحت شوکت چودھری کی جانب سے خریدی گئی زمین کے کاغذات اور دیگر دستاویزات اپنے ساتھ لے گئی۔ اس ردعمل میں پیر کے روز شوکت چودھری نے سی بی آئی کی جانب سےکی گئی کارروائی اور روشنی ایکٹ کے تحت خریدی گئی زمین سے متعلق میڈیا سے بات کی۔

انہوں نے کہا کہ سی بی آئی کی طرف سے یہ کوئی چھاپہ نہیں تھا بلکہ یہ ایک جانچ کا ایک حصہ تھا جو کہ عدالتی احکامات کے مطابق تحقیقاتی ایجسنی نے عمل میں لایا۔ انہوں نے کہا میڈیا نے جس انداز اور جس طریقے سے اس خبر کو پیش کیا، ان خبروں اور سرخیوں سے ایسا محسوس ہورہا ہے کہ روشنی ایکٹ کے تحت ساری زمین شوکت چودھری نے ہی ہڑپ لی ہیں۔ میڈیا نمائندوں کے سامنے اپنی بات رکھتے ہوئے شوکت چودھری نے کہا کہ ہم نے اس وقت مذکورہ اسکیم کے تحت 14 لاکھ 14 ہزار روپے کے عوض 8 مرلہ زمین خریدی تھیں اور سرکار نے اس وقت روشنی ایکٹ کے تحت سرینگر میں زمین کی قیمت 60 لاکھ فی کنال مختص کی تھی۔