پروگرام کا اہتمام محکمہ وائلڈ لائف پروٹیکشن اور وائلڈ لائف انسٹی ٹیوٹ آف انڈیا نے مشترکہ طور پر کیا تھا۔
اس دو روزہ تربیتی پروگرام میں فرنٹ لائن کے عملے کو وائلڈ لائف پروٹیکشن کے نفاذ جنگلی جانوروں اور پرندوں کے غیر قانونی شکار کے واقعات کی روک تھام کے لیے ضروری اقدامات کرنے جیسے اہم نکات سے متلعق بیدار کیا گیا۔
اس موقع پر کشمیر ریجن کے ریجنل وائلڈ لائف وارڈن راشد نقاش نے کہا کہ غیر قانونی شکار اور غیر قانونی کاروبار سے جانوروں کو خطرہ لاحق ہے۔
انہوں نے کہا کہ 'اس سے نمٹنے کے لیے ہمارے فیلڈ عملے کو اچھی طرح سے تربیت دی جانی چاہئے اور مناسب تکنیکی تربیت حاصل ہونی چاہئے تاکہ اس بات کو یقینی بنایا جاسکے کہ غیر قانونی عمل کو روکنے کے لیے اس کے خلاف قانونی چارہ جوئی کی جائے اور اسے کیفر کردار تک پہنچانے کے لیے مکمل ثبوت پیش کیا جا سکے'۔
شوپیاں ریجن کے وائلڈ لائف وارڈن انتشار سہیل نے تربیت یافتہ افراد کو اس ضمن میں آنے والی رکاوٹیں اور چلیلنجز سے متعلق بتایا۔
