سرینگر:جموں وکشمیر کے لیفٹیننٹ گورنر منوج سنہا کی جانب سے حال ہی میں جھیل ڈل میں "اتھواس "نام سے صفائی مہم شروع کرنے کے بعد ایس پی کالج کے طلبہ نے بھی ڈل کی اس صفائی مہم میں حصہ لیا۔ ڈی ویڈنگ مہم کا آغاز اسلامک یونیورسٹی سائنس اینڈ ٹیکنالوجی کے وائس چانسلر پروفیسر شکیل رومشو نے کیا۔ De Weeding of Dal Lake
اس موقع پر شکیل رومشو نے کہا کہ تمام لوگوں کی شراکت داری سے ہی شہر آفاق جھیل ڈل کو گندگی سے صاف و پاک بنایا جاسکتا ہے۔ انہوں نے کہا کہ لوگوں کا فرض ہے کہ وہ آگے آئیں اور ڈل کی صفائی میں مدد کریں۔ آئی یو ایس ٹی کے وائس چانسلر پروفیسر شکیل رمشو نے جھیل کی صفائی کی سرگرمیوں میں اپنے عزم کا مظاہرہ کرنے پر طلبہ کی کافی تعریف کی، وہیں دیگر طلبہ اور نوجوانوں کو بھی اس صفائی مہم میں اپنا رول نبھانے پر زور دیا۔
مزید پڑھیں:
واضح رہے ہفتے کے روز ایل جی منوج سنہا نے کہا کہ جھیل ڈل کی شان رفت کو بحال کرنے کے لیے حکومت پر عزم ہے اور گزشتہ دو برس سے جھیل ڈل اور نگین جھیل میں جاری صفائی مہم کے خاطر خواں نتائج بھی بر آمد ہورہے ہیں کیونکہ اس صفائی مہم میں انتظامیہ نے مقامی لوگوں کی شرکت کو یقینی بنایا ہے۔ انہوں نے کہا کہ گزشتہ دہائیوں میں جھیل ڈل اتنی صاف نہیں تھی جتنی کہ آج یہ صاف دکھائی دے رہی ہے۔
