ای ٹی وی بھارت سے بات کرتے ہوئے بشارت کے بھائی شبیر احمد زرگر نے کہا کہ "ہم اپنے بھائی کی تلاش گزشتہ اتوار سے لگاتار کر رہے ہیں۔ تاہم ابھی تک اُن کے حوالے سے کوئی اطلاع موصول نہیں ہوئی ہے۔"
اُن کا مزید کہنا تھا کہ "یہاں کا انتظامیہ اور رشی گنگا پروجیکٹ جس کمپنی میں میرے بھائی کام کر رہے تھے۔ وہ بھی تعاون نہیں کر رہے ہیں۔ صرف برائے نام بچاؤ کارروائی کر رہے ہیں۔ ہم دعا کرتے ہیں کہ وہ جہاں بھی ہوں ٹھیک ہوں۔"
زرگر اتراکھنڈ کے چمولی علاقے میں سرنگ اور پل تعمیر کرنے والی ایک نجی کمپنی میں بطور جنرل مینیجر کام کر رہے ہیں اور حادثے کے وقت وہ پروجیکٹ سائٹ پر ہی موجود تھے۔ حادثہ ہونے کے بعد سے اُن کا فون بند ہے۔
