نوا کدل میں نامعلوم بندوق برداروں کے ہاتھوں نوجوان ہلاک

نامعلوم بندوق برداروں نے مہران احمد پر نوا کدل علاقہ میں فائرنگ کی جس کے نتیجہ میں وہ شدید زخمی ہو گیا۔ بعد ازاں وہ زخموں سے جانبر نہ ہو سکا۔

نامعلوم بندوق برداروں نے سرینگر کے نوا کدل علاقہ میں ایک 25 سالہ نوجوان پر فائرنگ کر کے ہلاک کر دیا۔

ذرائع کے مطابق نامعلوم بندوق برداروں نے مہران علی پٹھان پر نوا کدل علاقہ میں فائرنگ کی جس کے نتیجہ میں وہ شدید زخمی ہو گیا۔

زخمی نوجوان کو ایس ایم ایچ ایس اسپتال منتقل کیا گیا جہاں وہ زخموں سے جانبر نہ ہو سکا۔ نوجوان ڈاؤن ٹاون (پرانے شہر) کے علاقہ صفا کدل کا رہائشی ہے۔

دری اثنا پولیس نے اس حوالے سے معاملہ درج کر کے کارروائی شروع کر دی ہے۔

پولیس کا کہنا ہے کہ یہ آپسی رنجش یا گینگ وار کا شاخسانہ بھی ہو سکتا ہے۔