دو روزہ پہلگام ونٹر کارنیول رنگا رنگ پروگرام کے ساتھ اختتام پذیر

فیسٹیول کے اختتامی تقریب کے موقع پر لفٹننٹ گورنر منوج سہا نے ویڈیو کانفرنس کے ذریعے خطاب کیا۔ یہ فیسٹیول دو روز تک جاری رہا جس میں ملک بھر سے آئے سیاحوں کی اچھی خاصی تعداد نے شرکت کی۔

لیفٹیننٹ گورنر جموں و کشمیر نے محکمہ سیاحت اور تمام اسٹیک ہولڈرز کو دو روزہ ونٹر کارنیول کے کامیاب انعقاد اور مقامی فنکاروں کو مختلف شعبوں میں اپنی صلاحیتوں کے نمائش کے مواقع فراہم کرنے پر مبارکباد پیش کی۔ دو روزہ پہلگام ونٹر کارنیول کے مختلف رنگا رنگ سرگرمیوں اور ثقافتی پروگرام میں مقامی اور سیاحوں نے بڑی تعداد نے اس اختتامی تقریب میں شرکت کی ۔

اس فیسٹیول کے دوران جہاں کشمیر کی ثقافت اور تمدن کی جھلکیاں پیش کرنے کے لیے مختلف اسٹال قائم کۓ گئے تھے، وہیں جے کے ٹی ڈی سی کلب میں بھی رنگا رنگ پروگراموں کا اہتمام کیا گیا تھا۔ پہلگام میں رواں سال کے آغاز میں ہی سیاحوں کی ایک بڑی تعداد پہلگام پہنچی ہے۔ جبکہ اس فیسٹیول کے اہتمامِ سے سیاحوں کی تعداد میں مزید اضافہ ہونے کی امید ہے۔

اس موقع پر ڈائریکٹر ٹورازم کشمیر نے ای ٹی وی بھارت سے کہا کہ' ایسے پروگراموں کا انعقاد مستقبل میں بھی کیا جائے گا تاکہ شعبہ سیاحت کو مزید مستحکم بنایا جائے اور زیادہ سے زیادہ ملکی وغیرہ ملکی سیلانیوں کو کشمیر کی جانب راغب کیا جائے۔