جنوبی کشمیر کے ضلع پلوامہ کے ترال کو جنوبی کشمیر میں ایک امتیازی حیثیت حاصل ہے۔ ترال کے مین مارکیٹ میں خوانچے فروشوں کی جانب سے قبضہ جمانے، دکانداروں کی طرف سے اشیا کو سڑکوں پر رکھنے کی وجہ سے مسافرین کو زبردست مشکلات سے دوچار ہونا پڑ رہا ہے۔
ان پریشانیوں کے پیش نظر ترال میونسپل کمیٹی کے ایگزیکٹو آفیسر منظور احمد بٹ نے اپنے ماتحت عملے اور محکمہ مال کے ملازمین کے ساتھ ترال بالا میں خوانچہ فروشوں کے خلاف کارروائی کی۔
انہوں نے اپنے ماتحت عملے کے ساتھ سڑکوں پر ناجائز قبضے کے خلاف کارروائی کی ساتھ ہی انہوں نے بے ترتیب گھڑی اور بے جگہ کھڑی گاڑیوں کے ٹائر سے ہوا نکلوایا۔عوامی حلقوں نے ترال میونسپل کمیٹی کی اس کاروائی کی تعریف کی ساتھ عوام نے یہ بھی کہا کہ اس طرح کی کارروائی بالخصوص بس اسٹینڈ میں بھی ہونی چاہئے۔ کیونکہ سڑکوں پر غلط طریقے سے قبضہ جمانے والوں کی وجہ سے روزانہ ہزاروں افراد کو دقتوں کا سامنا کرنا پڑ رہا ہے
ترال میونسپل کمیٹی کے صدر راکیش پنڈتا نے ای ٹی وی بھارت کو بتایا کہ مین مارکیٹ میں غلط طریقے سے پارکنگ کی اجازت کسی کو نہیں دی جائے گی اور نہ ہی سڑکوں پر قبضہ جمانے والوں کو بخشا جائے گا ساتھ ہی ان افراد کے خلاف قانونی کارروائی کی جائے گی۔
مزید پڑھیں: کشمیر میں ہنر کی کوئی کمی نہیں
انہوں نے عوام سے اپیل کی کہ' وہ سڑکوں پر گاڑیاں پارک نہ کریں بلکہ پارکنگ کے لیے مخصوص مقامات کا استعمال کریں۔
