سرینگر: دراصل محکمہ سیاحت کی عدم نگرانی کے وجہ سے بہت سے سیاح ایسے ٹور آپریٹرز کے ذریعہ کشمیر کی بکنگ کر رہے ہیں، جو محکمہ کے ساتھ رجسٹرڈ نہیں ہیں۔ رجسٹرڈ ٹور آپریٹرز Tour Operators کا کہنا ہے کہ ٹورزم ٹریڈ ایکٹ Tourism Trade Act کے مطابق کوئی بھی آپریٹر جو محکمہ سیاحت کے ساتھ رجسٹرڈ نہیں ہے، وہ یہاں کی بکنگ نہیں کر سکتا ہے، لیکن اس کے برعکس یہاں بڑی تعداد میں بکنگ کی جارہی ہے، جس سے مقامی رجسٹرڈ آپریٹرز کو نقصان ہورہا ہے۔
یہ بھی پڑھیں: Tourists Flow in Kashmir: امسال ریکارڈ تعداد میں سیاحوں کی آمد متوقع، ناظم سیاحت
مقامی رجسٹرڈ آپریٹرز کا کہنا ہے کہ اس مسئلہ کی وجہ سے کشمیر میں ہوٹل مالکان اور ہاؤس بوٹ مالکان کافی مہنگی قیمت پر کمرے اور ہاؤس بوٹ کرایہ پر دے رہے ہیں۔ وہیں اس معاملے پر محکمہ سیاحت کے ڈائریکٹر غلام نبی نے کہا کہ چونکہ رواں سیزن میں سیاحوں کی کافی بڑی تعداد وادی کا رخ کر رہی ہے، لیکن رجسٹرڈ ٹور آپریٹرز کے ذریعہ کچھ شکایات بھی موصل ہورہی ہے۔ ان کا کہنا ہے کہ محکمہ نے مختلف مونیٹرنگ ٹیمیں تشکیل دی ہے اور جو بھی شخص ٹیورزم ٹریڈ ایکٹ کی خلاف ورزی کرے گا، اس کے خلاف کارروائی کی جائے گی۔ Local Tour Operators Disappointed In Valley
