سرینگر: جموں وکشمیر پولیس نے ایگزبیشن گرائونڈ میں دو نوجوانوں کو چھرا گھونپنے کے الزام میں 3 ملزموں کو گرفتار کیا ہے۔ پولیس کا کہنا ہے کہ اس واردات میں استعمال ہونے والے تین چاقو بھی بر آمد کیے گئے ہیں۔ گرفتار شدہ ملزمین کی شناخت حماد خان ولد مرحوم جاوید احمد، بازل خان ولد مرحوم جاوید احمد اور ماجد خان ولد مرحوم محمد افضل خان ساکنان سرائے بالا کے طور پر ہوئی ہے۔
سری نگر پولیس ٹویٹ کرکے بتایا کہ ایگزبشن گرائونڈ میں 2 نوجوانوں کو چھرا گھونپنے کے الزام میں 3 ملزموں حماد خان ولد مرحوم جاوید احمد، بازل خان ولد مرحوم جاوید احمد اور ماجد خان ولد مرحوم محمد افضل خان ساکنان سرائے بالا کو گرفتار کیا گیا'۔ ٹویٹ میں بتایا گیا کہ 'واردات میں استعمال ہونے والے تین چاقو بر آمد کئے گئے اور اس سلسلے میں پولیس اسٹیشن شیر گڑھی میں آئی پی سی کے دفعات 341،307 کے تحت ایک کیس درج کیا گیا۔
مزید پڑھیں: Emerging Asia Cup 2023 Final پاکستان اے نے لگاتار دوسری بار جیتا ایمرجنگ ایشیا کپ
بتادیں سری نگر میں گذشتہ دنوں کے دوران چاقو زنی کے کئی واقعات پیش آئے ہیں جس سے لوگوں میں تشویش کی لہر دوڈ گئی ہے۔ سری نگر انتطامیہ نے ایسے واقعات کی روک تھام کو یقینی بنانے کے لئے ضلع میں تیز دھار والے ہتھیاروں کی خرید و فروخت پر پابندی عائد کی ہے۔
یو این آئی
